Albintestate
La mia casa albintestate
La puerta ensin piechu
El teyáu mira al cielu ya escuca’l día, ya la nueite,
la mañana, ya la tarde.
El pasáu ya’l
presente
que se funden nun
instante.
La rutina del tiempu.
Las paredes empapadas d’augua ya frialdá.
L’aire acaniga las ventanas ya enxorda l’espaciu
del silenciu.
La mia casa chena
de posadeiros
Los recuerdos.
Los sueños.
Los sueños.
Los cantares.
Los cuentos.
Las l.lárimas.
Las risas.
La mia casa mírame
con tristura
Toos durmen al.lí
ente las suas paredes.
Los okupas son los artos, las arañas, los sapos, las
culiebras…
que cantan la
oscurecida ya conviven colos posadeiros.
Yo vivo al.lí
col maxín albintestate,
na mio casa,
ensin piechu,
cola puerta abierta al mundu.
1 comentario:
María Esther !!! que tal??? Hermoso y melancólico tu poema en bable.
Me encantó!!!!
Besiñosss Josefina
Publicar un comentario